Joriy yil 9 oyida O‘zbekistonning tovarlar importidagi asosiy ulush 26,3 foiz bilan “mashinalar, uskunalar, mexanizmlar” importiga to‘g‘ri kelmoqda – 4,7 mlrd. dollar ( bu boradagi ko‘rsatkich 2020-yilning 9 oyida 4,4 mlrd. dollarni tashkil qilgan).

Shuningdek:

– “qimmatbaho bo‘lmagan metallar va ulardan tayyorlangan mahsulotlar” – 2,3 mlrd. dollar (2020-yil  9 oyida 1,8 mlrd. dollar);

– “kimyo sanoati mahsulotlari”– 2,1 mlrd. dollar  (2020-yil 9 oyida 1,7 mlrd. dollar);

– “transport uskunalari” – 2,1 mlrd. dollar  (2020-yil 9 oyida 1,6 mlrd. dollar);

– “mineral mahsulotlar” –1,2 mlrd. dollar  (2020-yil 9 oyida 934 mln. dollar);

– “plastmassalar va ulardan buyumlar” – 953 mln. dollar (2020-yil 9 oyida 763 mln. dollar);

– “kelib chiqishi o‘simlikka mansub mahsulotlar” – 674 mln. dollar (2020-yil 9 oyida 595 mln. dollar) kabi guruhlarga to‘g‘ri kelmoqda.

Yuqoridagilarning jami tovarlar importidagi ulushi 78 foizni tashkil qildi  (2020-yil 9 oyida 81 foiz).

Markaziy bank ma’lumotlariga ko‘ra, joriy yilning 9 oyi davomida asosiy savdo hamkorlar bilan tovarlar importi hajmi o‘tgan yilning mos davriga nisbatan 20 foizga o‘sishi kuzatilgan. Xususan, Turkiya 87 foizga, Qozog‘iston 40 foizga, Rossiya 22 foizga oshgan.

Bunda, asosiy hamkor mamlakatlarning jami importdagi ulushi 71 foizni tashkil qilib, Rossiya – 22 foiz, Xitoy – 20 foiz, Qozog‘iston – 11 foiz,  Turkiya – 9 va Koreya Respublikasi – 7 foizdan tashkil qildi. (2020 yil 9 oyida mazkur mamlakatlarning jami importdagi ulushi 72 foizni tashkil qilib, ularning har biri mos ravishda – 22 foiz, 22 foiz, 10 foiz, 6 foiz va 10 foizga teng bo‘lgan).

Shu bilan birga, Yevropa mamlakatlarining importdagi ulushi 24,8 foizdan 24,1 foizga kamaygan bo‘lib, mazkur o‘zgarish import hajmida asosiy savdo hamkorlari ulushining ko‘payishi bilan bog‘liqligi aytildi.  

Eslatib o‘tamiz, mamlakatga import qilingan mashinalar, uskunalar, mexanizmlarning jami import tovarlaridagi ulushi 2018-yilda 33,1 foiz, 2019-yilda 49,4 foiz va 2020-yilda 30,4 foizni tashkil qilgan.

• Import
• Markaziy bank