Joriy yilda O‘zbekiston 30 ta davlatdan sut mahsulotlarini import qilgan. Bu haqda Davstatqo‘m xabar berdi.

Qayd etilishicha, 2022-yilning dastlabki 7 oyida O‘zbekiston 30 ta xorijiy mamlakatdan 22,3 ming tonna sut mahsulotlarini import qilgan.

Sut mahsulotlari importi hajmi o‘tgan yilning mos davri bilan solishtirilganda 5,4 ming tonnaga oshgan.

Joriy yilning o‘tgan davrida O‘zbekiston eng ko‘p sut mahsulotlarini import qilgan davlatlar:

Rossiya – 8,4 ming tonna;
Belarus – 3,8 ming tonna;
Eron – 3,8 ming tonna;
Qozog‘iston – 3 ming tonna;
Litva – 627 tonna;
Fransiya – 591 tonna;
Turkiya – 437 tonna;
Finlyandiya – 247 tonna.

• Import
• O‘zbekiston
• Sut