O‘zbekiston 2021-yilning yanvar-noyabr oylarida qariyb 1,4 million tonna meva-sabzavot eksport qilgan. Bu haqida Davlat statistika qo‘mitasi matbuot xizmati xabar berdi.

Dastlabki ma’lumotlarga ko‘ra, 2021-yilning 11 oyida qiymati 863,1 million AQSh dollarga teng bo‘lgan qariyb 1,4 million tonna meva va sabzavotlar eksport qilingan. Bu ko‘rsatkich 2020-yilning mos davri bilan solishtirilganda 5,5 ming tonnaga oshgan.

Qayd etilishicha, berilgan davr mobaynida eksport qilingan mahsulotlar quyidagilardir:

meva va rezavorlar — 301,3 ming tonna;

quritilgan meva va rezavorlar — 52 ming tonna;

sabzavotlar — 726,3 ming tonna;

qalampir — 16,8 ming tonna;

uzum — 199 ming tonna;

mayiz — 45 ming tonna;

yeryong‘oq — 20 ming tonna;

qovun-tarvuz — 82 ming tonna.

• Meva
• statistika