O‘zbekiston karate milliy federatsiyasi negizida O‘zbekiston karate assotsiatsiyasi tashkil etiladi. Bu jamoatchilik muhokamasiga qo‘yilgan “Karate sport turini yanada rivojlantirish chora-tadbirlari to‘g‘risida”gi prezident qarori loyihasida ko‘zda tutilgan.

Karate assotsiatsiyasi Xalqaro karate federatsiyasi (WKF) tomonidan o‘rnatilgan talab va qoidalar asosida O‘zbekistonda karate sport turlari bo‘yicha barcha federatsiya va assotsiatsiyalar faoliyatini birlashtiradi hamda ular o‘rtasida o‘zaro hamkorlikni tashkil etadi.

 

Jismoniy imkoniyati cheklanganlar yoshlar o‘rtasida parakarateni rivojlantirish va ularning bu boradagi iqtidorini har tomonlama qo‘llab-quvvatlash maqsadida O‘zbekiston milliy paralimpiya qo‘mitasi tizimida parakarate bo‘limi tashkil etiladi.

 

Joylarda karate (sport turini rivojlantirish va muvofiqlashtirish, uslubiy qo‘llab-quvvatlash va monitoring qilish maqsadida O‘zbekiston karate assotsiatsiyasining hududiy bo‘linmalari tashkil etiladi.