Özbekistonda aholi va tadbirkorlarning naqd pul oliş huquqini kafolatlovçi yangi tartib joriy etiladi. Unga köra, banklar fuqarolar va tadbirkorlarning hisobvaraqlaridagi mavjud mablağlar doirasida naqd pul oliş böyiça talablarini birinçi murojaatdayoq uzluksiz qondirişi şart.
Yangi yöriqnomaga muvofiq, banklar muomaladagi naqd pullarni nominal qiymati böyiça tösiqsiz qabul qiladi. Şuningdek, bankomatlar muntazam naqd pul bilan ta’minlanişi, mijozlarning naqd pulga bölgan ehtiyoji doimiy tahlil qilib borilişi kerak. Pul yetişmasligi kutilgan holatlarda banklar qöşimça mablağ jalb qiliş çoralarini köradi.
Bundan taşqari, Markaziy bank va tijorat banklari bir nominaldagi pul belgilarini boşqasiga heç qanday tölov yoki vositaçilik haqisiz almaştirib beradi. Yangi banknot va tangalar muomalaga çiqarilişidan kamida bir hafta oldin aholi bu haqda xabardor qilinadi.
Yangi tartibga köra, banklar örtasida naqd pul taqsimoti ham elektron şaklda amalga oşiriladi. Bunda ortiqça naqd pulga ega banklar uni maxsus elektron platforma orqali boşqa banklarga taklif qiladi, ehtiyoji bor banklar esa talabnoma yuboradi. Mablağlar inkassatsiya xizmati orqali yetkaziladi.
Yöriqnoma 2027-yil 2-fevraldan kuçga kiradi. Şu sanadan boşlab amaldagi tartib öz kuçini yöqotadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!