Konstitutsiyaga o‘zgartirish va qo‘shimchalar kiritish bo‘yicha qonun loyihasining umumxalq muhokamasi 10 kunga – 15 iyulga qadar uzaytirildi.

Bugun, 4-iyul kuni Oliy Majlis Qonunchilik palatasining navbatdagi majlisi bo‘lib o‘tdi. Unda deputatlar “O‘zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida”gi Konstitutsiyaviy qonun loyihasining umumxalq muhokamasi bilan bog‘liq masalani ko‘rib chiqishdi.

Konstitutsiyaviy qonun loyihasi yuzasidan fikr-mulohaza bildirishda fuqarolarning faolligi ortib borayotganligi, kelib tushayotgan takliflar soni tobora oshayotganligi umumxalq muhokamasi muddatini uzaytirish zaruratini yuzaga keltirmoqda.

Konstitutsiyaga o‘zgartirish va qo‘shimchalar kiritish bo‘yicha qonun loyihasining umumxalq muhokamasini yana 10 kunga – 15 iyulga qadar uzaytirish borasidagi taklif qabul qilindi.

Shuningdek, O‘zbekiston Respublikasi Konstitutsiyasining 70, 71, 72, 74 va 75-moddalari o‘zgarishsiz qoldirilib, amaldagi normalarni saqlab qolish maqsadga muvofiq ko‘rilgan.

• Konstitutsiya
• Oliy Majlis
• Qonunchilik palatasi
• Qoraqalpog‘iston