“Transparency International” tashkiloti korrupsiya bilan bog‘liq vaziyat bo‘yicha 2024-yil uchun hisobotini e’lon qildi.

Ushbu hisobotga ko‘ra O‘zbekiston 33 ball bilan 180 ta davlat orasida 121-o‘rinda bormoqda. Ushbu ko‘rsatkich kamida 2012-yildan buyon birinchi marta yomonlashdi. O‘zbekiston so‘nggi o‘n yil davomida korrupsiyani sezish ko‘rsatkichini yaxshilash sur’atlari bo‘yicha jahon yetakchilari ro‘yxatidan chiqib bormoqda.

Reytingda Daniya 90 ball bilan birinchi o‘rinni egallagan bo‘lsa, Finlyandiya (88) va Yangi Zelandiya (84) kuchli uchlikni yakunlab berdi. Eng yomon ko‘rsatkichlar Janubiy Sudan (8), Somali (9) va Venesuelada (10) kuzatilgan.

• Korrupsiya
• O‘zbekiston
• reyting