Bu yilgi Korrupsiyani qabul qilish indeksi (Corruption Perceptions Index – CPI) korrupsiya darajasi butun dunyo bo‘ylab to‘xtab qolganligini ko‘rsatmoqda.

Biroq bu ko‘rsatgich O‘zbekiston uchun begona. Ya’ni Xalqaro shaffoflik (Transparency International) global tashkiloti 2021-yil uchun “Korrupsiyani qabul qilish indeksi”ning yangilangan reytingini e’lon qildi. Unga ko‘ra, O‘zbekiston 2020-yilga nisbatan 6 pog‘onaga ko‘tarilib, 180 mamlakat orasida 140-o‘rinni egallagan.

Ma’lumki, CPI dunyo bo‘ylab 180 mamlakat va hududlarni davlat sektoridagi korrupsiya darajasi bo‘yicha baholaydi. Natijalar 0 (juda buzilgan) dan 100 (juda toza) gacha bo‘lgan shkala bo‘yicha berilgan.

Ma’lumot uchun, bu yilgi global o‘rtacha ko‘rsatkich ketma-ket o‘ninchi yil o‘zgarishsiz qolmoqda, ya’ni mumkin bo‘lgan 100 balldan atigi 43 ball. Ko‘p majburiyatlarga qaramay, 131 mamlakat so‘nggi o‘n yil ichida korrupsiyaga qarshi sezilarli muvaffaqiyatga erisha olmadi. Mamlakatlarning uchdan ikki qismi 50 balldan past ball olgan, bu ularda jiddiy korrupsiya muammolari borligini ko‘rsatadi, 27 davlat esa eng past ko‘rsatkichga ega.

• Korrupsiya
• reyting