27-may kuni Xalq ta’limi vazirligida Finlandiya Tashqi ishlar vazirligining Rossiya, Sharqiy Yevropa va Markaziy Osiyo departamenti bosh direktori boshchiligidagi delegatsiya bilan uchrashuv tashkil etildi. Bu haqda vazirlik axborot xizmati ma’lum qildi.

Qayd etilishicha, uchrashuvda Xalq ta’limi vazirligi mas’ullari hamda Finlandiya delegatsiyasi a’zolari ishtirok etdi. Dastlab, Xalq ta’limi vazirining birinchi o‘rinbosari Usmon Sharifxodjayev o‘qituvchilarning malakasini oshirish, hududiy milliy markazlariga Finlandiya ekspertlarini jalb etish masalalariga to‘xtalib o‘tdi. 

Finlandiya tomoni ham mazkur jarayonga metodistlarni jalb etish, o‘qituvchilarni sertifikatsiyalash, ularga metodik va amaliy ko‘mak berilishi haqida fikr bildirdi.

Uchrashuv davomida ikki tomon xususiy ta’lim tashkilotlari mutaxassislarini ham O‘zbekiston xalq ta’limi tizimiga jalb etishga kelishib oldi.

• Finlandiya
• Maktab
• Ta'lim
• Xalq ta'limi vazirligi