2024-yilda O‘zbekiston mudofaaga 2,8 milliard dollar sarfladi va Markaziy Osiyoda harbiy xarajatlar bo‘yicha birinchi o‘rinni egalladi, deya xabar beradi Global Firepower yangi hisobotida.

Mintaqada mudofaa xarajatlari bo‘yicha ikkinchi o‘rinni Qozog‘iston egalladi (2 milliard dollar), Turkmaniston armiyaga taxminan 1,1 milliard dollar sarflab, uchlikka yakun yasadi.

MDH davlatlari orasida Rossiya mudofaa uchun eng ko‘p mablag‘ sarflagan - 126 milliard dollar. Ikkinchi o‘rinni Ozarbayjon harbiy byudjeti 5 milliard dollar bilan egalladi.

Armiya xarajatlari bo‘yicha dunyo yetakchiligi AQShga nasib qildi. 2024-yilda ularning mudofaa xarajatlari 895 milliard dollarga yetdi.

Harbiy xarajatlarni baholashda uskunalarni sotib olish va texnik xizmat ko‘rsatish, infratuzilmani qurish va ta’mirlash, harbiy xizmatchilar va harbiy nafaqaxo‘rlarga to‘lovlarni hisobga olindi.

• MDH
• Mudofaa
• O‘zbekiston