Davlat statistika qoʻmitasi maʼlumotlariga koʻra, joriy yilning yanvar-oktyabr oylarida Oʻzbekistonga xorijdan 114 mln. AQSh dollariga teng boʻlgan 2,4 mln. tonna sement import qilingan.

Qayd etilishicha, ushbu koʻrsatgich oʻtgan yilning mos davri bilan solishtirganda 336,5 ming tonnaga koʻp.

Maʼlum boʻlishicha, Oʻzbekiston 2021-yilda Qozogʻistondan 1,1 mln. tonna, Tojikistondan 631,8 ming tonna, Qirgʻizistondan 604,3 ming tonna, Erondan 51 ming tonna va Turkmaniston davlatidan 35,6 ming tonna sement import qilgan.

Shuningdek, keltirilishicha oxirgi 10 oyda Oʻzbekiston boʻyicha eng koʻp sement import qilgan hudud Toshkent shahri boʻlib, yanvar-oktyabr oylarida import miqdori 1,4 mln. tonnani tashkil etgan.

• Import
• Sement
• statistika