$
10880.29 UZS
4.92
180.66 UZS
-0.82
11140.33 UZS
60.5
33° Kechasi 22°

Shavkat Mirziyoyev yangi tayinlangan elchilarni qabul qildi

16:05 / 27.12.2021

Joriy yil 27-dekabr kuni xorijiy davlatlarning O‘zbekistonga yangi tayinlangan elchilari tomonidan ishonch yorliqlarini tantanali topshirish marosimi bo‘lib o‘tdi.

Prezident Shavkat Mirziyoyev Latviya Respublikasi elchisi Reynis Troksha, Vengriya elchisi Dyula Kovach, Fransiya Respublikasi elchisi Oreliya Bushez va Saudiya Arabistoni Podshohligi elchisi Yusuf al-Utaybiydan ishonch yorliqlarini qabul qilib olgan.

Shavkat Mirziyoyev yangi tayinlangan elchilarni mamlakatimizda diplomatik missiyasini boshlagani bilan samimiy tabriklagan.
O‘zbekiston xorijiy davlatlar va xalqaro tashkilotlar bilan konstruktiv muloqotni rivojlantirish, o‘zaro manfaatli sheriklikni kengaytirishga muhim ahamiyat qaratayotgani ta’kidlangan.
Shavkat Mirziyoyev mamlakatda demokratik yangilanishlarni davom ettirish, Yangi O‘zbekiston taraqqiyot strategiyasi asosida kompleks islothotlarni amalga oshirishda izchillikni ta’minlash yo‘lida qat’iy ekanini qayd etgan.
Taraqqiyot strategiyasida har bir fuqaroning huquqlari, erkinliklari va qonuniy manfaatlarini ta’minlash, erkin va  ochiq jamiyat, xalqchil davlat barpo etish bosh maqsad qilib belgilangan.

O‘zbekistonni 2030-yilga borib aholi daromadlari o‘rtacha ko‘rsatkichdan yuqori bo‘lgan mamlakatga aylantirish asosiy vazifadir. Shu maqsadda bozor islohotlarini chuqurlashtirish, yangi ish o‘rinlarini yaratish, xususiy sektorni qo‘llab-quvvatlash, xorijiy investisiya va texnologiyalarni keng jalb etishga katta e’tibor qaratilayotgani qayd etilgan.

Ta’kidlanishicha, pragmatik va chuqur o‘ylangan tashqi siyosat va iqtisodiy diplomatiya bundan buyon ham davom ettiriladi.
Markaziy Osiyo davlatlari bilan yaxshi qo‘shnichilik munosabatlari va sheriklik aloqalarini mustahkamlab borish ustuvor yo‘nalishlaridan biri bo‘lib qoladi.
Bundan tashqari, O‘zbekiston Rossiya, Xitoy, AQSH, shuningdek, Yevropa, Janubiy Osiyo, Osiyo-Tinch okeani va Yaqin Sharq davlatlari bilan ko‘p qirrali hamkorlikni sifat jihatidan yangi bosqichga olib chiqmoqda.

Shavkat Mirziyoyevning ta’kidlashicha, biz dunyoga, dunyo esa bizga ochiq bo‘lishi kerak – bu bugungi taraqqiyotning asosiy talabi. O‘zbekiston Respublikasi Tashqi siyosiy faoliyati konsepsiyasi yangi tahrirda qabul qilinishi aytilgan.
Mintaqaning ajralmas qismi sifatida qaralayotgan Afg‘onistondagi vaziyatning tartibga solinishini Shavkat Mirziyoyev  xavfsizlikni ta’minlashning eng muhim omili, deb atagan. O‘zbekiston yaqin qo‘shnimiz bo‘lgan ushbu mamlakatda iqtisodiy va gumanitar inqirozga yo‘l qo‘ymaslik, tinchlik o‘rnatilishiga ko‘maklashish uchun xalqaro hamjamiyat bilan keng ko‘lamli hamkorlikka tayyor, degan Prezident.

Shuningdek, Shavkat Mirziyoyev yangi tayinlangan elchilar vakillik qilayotgan mamlakatlar bilan keng ko‘lamli va uzoq muddatli hamkorlikning istiqbollariga to‘xtalib o‘tgan.
Latviya O‘zbekistonning Yevropadagi ishonchli va muhim sherigi bo‘lib, uzoq yillardan buyon mamlakatimizning Boltiq va Skandivaniya bozorlariga chiqishida ko‘maklashib kelmoqda.
Davlatlarimiz o‘rtasida an’anaviy do‘stona va o‘zaro manfaatli munosabatlar qaror topgan. Latviya Respublikasi xalqaro tashkilotlar va Yevropa Ittifoqi doirasida mamlakatimizni doimo qo‘llab-quvvatlab kelmoqda.

Shu bilan birga, hamkorlikni rivojlantirish uchun hali ishga solinmagan katta imkoniyatlar mavjud. Ikki mamlakat o‘rtasidagi savdo munosabatlarning salohiyatidan samarali foydalanish, transport, qishloq xo‘jaligi, farmasevtika, to‘qimachilik sanoati, turizm sohalarida qo‘shma loyiha va dasturlarni faol ilgari surish zarurligi ta’kidlangan.
Latviya yuqori darajadagi delegasiyalarining 2022-yilga rejalashtirilgan O‘zbekistonga tashriflari hamkorlikni kengaytirish uchun yangi imkoniyatlar ochadi.
Mirziyoyev Vengriya bilan ko‘p asrlik tarixiy yaqinlik va xalqlarimizning qardoshlik rishtalariga asoslangan ikki tomonlama munosabatlar keyingi yillarda izchil rivojlanib borayotganini mamnuniyat bilan qayd etdi.

Vengriya Bosh vaziri Viktor Orbanning joriy yil mart oyidagi O‘zbekistonga tashrifi davomida O‘zbekiston-Vengriya hamkorligi strategik sheriklik darajasiga ko‘tarilgan. Ikki mamlakat yetakchilari o‘rtasidagi konstruktiv muloqotning davom ettirilishi davlatlararo munosabatlarning yanada rivojlanishiga xizmat qilishiga ishonch bildirilgan.
Qayd etilishicha, so‘nggi yillarda o‘zaro tovar ayirboshlash hajmi ikki barobarga oshdi. Vengriyaning yetakchi kompaniyalari bilan birgalikda qo‘shma loyihalar muvaffaqiyatli amalga oshirilmoqda.

Hududlararo hamkorlik mexanizmi yaratildi. Joriy yil iyun oyida ikki mamlakat oliy ta’lim muassasalari rektorlarining birinchi forumi muvaffaqiyatli o‘tkazildi. Sentyabr oyidan boshlab Vengriya oliy ta’lim dargohlarida “Xungarikum” dasturi doirasida o‘zbekistonlik talabalar tahsil ola boshladi.
Qishloq xo‘jaligi, chorvachilik, mashinasozlik, farmasevtika, logistika, turizm kabi muhim sohalarda hamkorlikni kengaytirish zarurligi qayd etildi.

Ulkan xalqaro nufuz va salmoqli iqtisodiy salohiyatga ega Fransiya O‘zbekistonning Yevropa Ittifoqidagi muhim sheriklaridan biridir.
2018-yil oktyabrda Fransiyaga amalga oshirilgan oliy darajadagi rasmiy tashrif hamda joriy yil avgust oyida Prezident Emmanuel Makron bilan telefon orqali muloqotlar O‘zbekiston-Fransiya munosabatlarini har tomonlama mustahkamlashga xizmat qildi, deyiladi xabarda.
Shuningdek, O‘zbekistonda Fransiya kompaniyalari bilan birgalikda qator o‘zaro manfaatli loyihalar amalga oshirilmoqda. Jizzax viloyatida “Renault” avtomobillarini ishlab chiqarish, “EDF” bilan birgalikda energetika obyektlarini, “Veolia” ishtirokida kommunal infratuzilmani modernizasiya qilish,  “Total Eren” bilan hamkorlikda quyosh elektr stansiyasini qurish shular jumlasidan.
O‘zbekiston Prezidenti mamlakatdagi ijtimoiy-iqtisodiy loyiha va dasturlarni amalga oshirishga ko‘maklashayotgan Fransiya taraqqiyot agentligi bilan hamkorlikni yuqori baholagan. O‘zbekistonda innovatsiya, qishloq xo‘jaligi, aviasozlik, tog‘-kon sanoati, tibbiyot, ta’lim va turizm sohalarida istiqbolli loyihalarni birgalikda amalga oshirish, madaniy-gumanitar aloqalarni kengaytirishdan manfaatdor ekani ta’kidlandi. Qayd etilganidek, 2022-yilda Luvr muzeyida O‘zbekiston madaniy merosiga bag‘ishlangan ko‘rgazma o‘tkaziladi.

Shavkat Mirziyoyev Fransiyaning 2022-yilning birinchi yarmida YeI Kengashiga raisligi davrida O‘zbekistonning Yevroittifoqqa a’zo mamlakatlar bilan ko‘p tomonlama aloqalari yanada mustahkamlanishiga ishonch bildirgan.
Saudiya Arabistoni nafaqat arab-musulmon olamida, balki butun dunyoda katta nufuzga va moliyaviy-iqtisodiy salohiyatga ega bo‘lib, O‘zbekistonning muhim hamkoridir.
Ikki muqaddas masjid xodimi, Podshoh Salmon Ol Saud va Valiahd Muhammad Ol Saud bilan uchrashuvlar ikki tomonlama munosabatlar rivojiga qo‘shimcha sur’at bag‘ishladi, degan Prezident.
Tashqi ishlar vaziri shahzoda Faysal va Investisiya vaziri Xolid al-Falihning joriy yilda mamlakatimizga amalga oshirgan tashriflari O‘zbekiston-Saudiya hamkorligini kengaytirish va mustahkamlashga muhim hissa qo‘shdi.

Prezident mamlakat hududlarida Saudiyaning “ACWA Power” kompaniyasi bilan hamkorlikda energetika sohasida yirik loyihalar muvaffaqiyatli amalga oshirilayotganini mamnuniyat bilan qayd etgan.
O'zbekistonda ijtimoiy-iqtisodiy islohotlarni amalga oshirishga Saudiya taraqqiyot jamg‘armasi ham salmoqli moliyaviy ko‘mak ko‘rsatib kelmoqda.

Ikki tomonlama savdo-iqtisodiy va investisiyaviy hamkorlikni kengaytirish, Saudiya kompaniyalari bilan yangi loyihalarni ilgari surish muhim ekani ta’kidlangan.
Ishonch yorliqlarini topshirish marosimi yakunida O‘zbekiston Prezidenti xorijiy davlatlar diplomatik vakolatxonalari rahbarlariga ularning O‘zbekiston Respublikasi bilan do‘stlik rishtalari va ko‘p qirrali hamkorlikni mustahkamlash yo‘lidagi mas’uliyatli va sharafli faoliyatiga katta muvaffaqiyatlar tilagan.

Diplomatlar samimiy qabul va samarali faoliyatiga yaratilgan sharoitlar uchun minnatdorlik bildirib, o‘zaro manfaatli aloqalarni yanada rivojlantirishga bor kuch-g‘ayrati, bilimi va professional tajribasini qaratishlarini qayd etganlar.
 


O‘zbekiston


														
														Fargʻonadagi neft zavodida oʻzini-oʻzi yoqib yuborgan ayol vafot etdi

Fargʻonadagi neft zavodida oʻzini-oʻzi yoqib yuborgan ayol vafot etdi

Bosh prokuratura bergan maʼlumotga koʻra, holat yuzasidan Fargʻona shahar prokuraturasi tomonidan tergovga qadar tekshiruv o…
12:10 / 10.08.2022

														
														Toshkent shahridan eng ko‘p Qashqadaryo va Toshkent viloyatlariga ko‘chib ketishgan

Toshkent shahridan eng ko‘p Qashqadaryo va Toshkent viloyatlariga ko‘chib ketishgan

Toshkent shahridan ko‘chib ketish o‘tgan yilning mos davri bilan solishtirilganda 1,6 foizga kamaygani ochiqlandi.
11:27 / 10.08.2022

														
														Jizzaxda ayol farzandlarining koʻz oʻngida zo‘rlandi

Jizzaxda ayol farzandlarining koʻz oʻngida zo‘rlandi

Jizzax IIB holatga rasmiy munosabat bildirdi.
11:17 / 10.08.2022

														
														Koronavirus: Kecha yurtimizda 35 nafar kishida kasallik aniqlandi

Koronavirus: Kecha yurtimizda 35 nafar kishida kasallik aniqlandi

Eng ko‘p kasallanish holati Toshkent shahrida qayd etilgan.
11:12 / 10.08.2022

														
														O‘zbekistonda 10-avgust kuni qanday ob-havo bo‘lishi ma’lum qilindi

O‘zbekistonda 10-avgust kuni qanday ob-havo bo‘lishi ma’lum qilindi

“O‘zgidromet” 10-avgust, chorshanba kuni uchun ob-havo prognozini e’lon qildi.
10:55 / 10.08.2022

														
														Namanganda fuqaro yodgorlikni buzib tashlab, uning o‘rniga uy-joy qurgani aniqlandi

Namanganda fuqaro yodgorlikni buzib tashlab, uning o‘rniga uy-joy qurgani aniqlandi

Oqibatda mazkur yodgorlikka 72 mlrd so‘mlik moddiy zarar yetkazilgan.
21:43 / 09.08.2022

														
														“Yoshlar turizmi” qurultoyining ikkinchi kuni boshlandi

“Yoshlar turizmi” qurultoyining ikkinchi kuni boshlandi

Shahrisabz shahrida davom etayotgan "Yoshlar turizmi" qurultoyi ishtirokchilari "Lochin" oromgohida yigʻildi.
19:49 / 09.08.2022

														
														Tashqi migratsiya agentligi O‘zbekiston fuqarolarini Ukrainadagi urushga jalb qiluvchi e’lonlardan ogohlantirdi (video)

Tashqi migratsiya agentligi O‘zbekiston fuqarolarini Ukrainadagi urushga jalb qiluvchi e’lonlardan ogohlantirdi (video)

Xorijiy davlatlarning harbiy organlariga xizmatga yollanish uch yildan besh yilgacha ozodlikni cheklash yoki ozodlikdan mahr…
18:39 / 09.08.2022

														
														O‘zbekistonda nodavlat oliy ta’lim tashkilotlar soni ma’lum qilindi

O‘zbekistonda nodavlat oliy ta’lim tashkilotlar soni ma’lum qilindi

2022- yilda O‘zbekistonning yana 5 ta hududida nodavlat oliy talim tashkiloti tashkil etiladi.
18:21 / 09.08.2022

														
														“Asalhoney”ning qotili 16,5 yilga "ketdi"

“Asalhoney”ning qotili 16,5 yilga "ketdi"

Sudlanuvchidan qonuniy vakil foydasiga 20 849 899 so‘m qoplanmagan zarar undirilishi belgilandi.
17:40 / 09.08.2022

Bu ham qiziq

Turkmaniston Kaspiy dengizi ustidan ko‘prik quradi

Turkmaniston Kaspiy dengizi ustidan ko‘prik quradi

Ko‘prik Turkmaniston, Rossiya, Qozog'iston, Eron va Hindiston yuk tashuvchilariga samarali xizmat qilish uchun mo‘ljallangan…
12:16 / 10.08.2022
Yaponiya Bosh vaziri hukumatni to‘liq tarkibda iste’foga chiqardi

Yaponiya Bosh vaziri hukumatni to‘liq tarkibda iste’foga chiqardi

Bosh vazir Kisida Vazirlar Mahkamasi tarkibini butunlay yangilashga qaror qildi.
11:57 / 10.08.2022
Uzgidromet aholini shoshilinch ogohlantirdi

Uzgidromet aholini shoshilinch ogohlantirdi

Respublikaning ba’zi hududlarida sel kelish xavfi mavjud.
17:38 / 09.08.2022
Google xizmatlari ishdan chiqdi

Google xizmatlari ishdan chiqdi

Bir qator mamlakatlarda nosozliklar kuzatilgan.
10:56 / 10.08.2022
Rossiya havo mudofaasi Ukrainaning “MiG-29” qiruvchi samolyoti va uchta uchuvchisiz samolyotini urib tushirdi

Rossiya havo mudofaasi Ukrainaning “MiG-29” qiruvchi samolyoti va uchta uchuvchisiz samolyotini urib tushirdi

Rossiya Qurolli Kuchlari shu paytgacha Ukrainaning 264 ta jangovar samolyoti va 1711 ta uchuvchisiz uchish apparatini yakson…
18:51 / 09.08.2022
Yandex Fransiya va Buyuk Britaniyada yetkazib berish xizmatini to‘xtatadi

Yandex Fransiya va Buyuk Britaniyada yetkazib berish xizmatini to‘xtatadi

Yandexning bu mamlakatlar bo‘ylab 450 ta do‘konlarda yetkazib berish xizmati mavjud.
21:30 / 09.08.2022
Ilon Mask “Tesla” aksiyalarini 7 milliard dollarga sotdi

Ilon Mask “Tesla” aksiyalarini 7 milliard dollarga sotdi

Bunga Twitter bilan bog‘liq vaziyat sabab bo‘ldi.
12:42 / 10.08.2022
Estoniya Bosh vaziri Yevroittifoqdan ruslar uchun turistik vizalarni taqiqlashini talab qilmoqda

Estoniya Bosh vaziri Yevroittifoqdan ruslar uchun turistik vizalarni taqiqlashini talab qilmoqda

Bunga javoban Rossiyaning sobiq prezidenti Dmitriy Medvedev Kallasni “natsist” deb atadi.
10:51 / 10.08.2022
Suddagi g‘alaba Jonni Deppga foyda keltirmoqda

Suddagi g‘alaba Jonni Deppga foyda keltirmoqda

Kinoaktyor “Dior” kompaniyasi bilan hamkorlikni qayta tikladi.
11:35 / 10.08.2022
Konya-2021: V Islom birdamligi oʻyinlarida Oʻzbekiston hisobiga yana bir medal qoʻshildi!

Konya-2021: V Islom birdamligi oʻyinlarida Oʻzbekiston hisobiga yana bir medal qoʻshildi!

Ayni kunlarda Turkiyaning Konya shahrida Islom birdamligi oʻyinlari davom etmoqda
17:44 / 09.08.2022

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!