O‘zbekiston Ilon Maskning SpaceX kompaniyasi bilan birgalikda sun’iy yo‘ldoshni uchirish imkoniyatini ko‘rib chiqmoqda. Bu haqda “O‘zbekkosmos” agentligi xabar berdi.

Xususiy kosmik kompaniya bilan hamkorlik masalasi O‘zbekiston delegatsiyasining Los-Anjelesga tashrifi chog‘ida muhokama qilindi. 

SpaceX shuningdek, Toshkentga 2035-yilgacha kosmosni o‘rganish strategiyasini takomillashtirishda yordam berishga tayyor.

Shuningdek, O‘zbekiston Space Symposium forumida ishtirok etdi. Tadbir davomida tomonlar boshqa mamlakatlar vakillari bilan kosmik sun’iy yo‘ldoshlar sohasida hamkorlik qilish imkoniyatlarini muhokama qildilar.

Forumda Fransiyaning Novaspace kompaniyasi bilan hamkorlik to‘g‘risida kelishuvga erishildi. Kompaniya O‘zbekiston kosmik strategiyasini 2035-yilgacha rivojlantirishda O‘zbekistonga yordam beradi.

• O‘zbekiston
• O‘zbekkosmos
• Sun'iy yo'ldosh