“Telegram” haqidagi mualliflik kanali yaratuvchisi, rossiyalik Georgiy Lobushkin ushbu platformaning O‘zbekistondagi statistikasini e’lon qildi.

Ta’kidlanishicha, O‘zbekiston kanallar soni va auditoriya qamrovi bo‘yicha Rossiyadan so‘ng ikkinchi o‘rinda turadi.

“Ko‘pchilik bilmaydi, lekin hozir O‘zbekiston “Telegram” kanallari soni va ularning auditoriyasi bo‘yicha ikkinchi (Rossiyadan keyin) o‘rinda turadi. O‘zbekistonda “Telegram” kanallarining umumiy auditoriyasi 740 990 000 kishini tashkil qiladi”, – deya yozgan Lobushkin.

Uning so‘zlariga ko‘ra, O‘zbekistonda “Telegram” bozori juda faol rivojlanyapti va istiqbolli ko‘rinmoqda.

Ma’lumotlarga ko‘ra, hozir O‘zbekistonda 123 mingdan ortiq rasmiy va norasmiy kanal, shuningdek, 18 mingga yaqin chat bor.

Bundan tashqari, foydalanuvchilari soni 1 milliondan oshgan faqat bitta kanal mavjud.

• O‘zbekiston
• Telegram
• statistika