“O‘zbekiston temir yo‘llari” AJ bayramlar va qo‘shimcha dam olish kunlarida talabalar, pensionerlar, nogironlar va yana bir nechta aholi vakillariga temir yo‘l chiptalariga chegirmalar berilishini ma’lum qildi.

Unga ko‘ra, chegirmalar 2021-yilning 31-dekabr – 2022-yil 4-yanvar, 2022-yil 21-23-mart va 2022-yil 1-2-sentyabr kunlari uchun amal qiladi.

Chegirmalar quyidagi tartibda beriladi:

– Nafaqaxo‘rlar, nogironlar, 1941-1945-yil urush qatnashchilari va ularga tenglashtirilgan fuqarolarga chiptaning ta’rif qismidan – 50 foiz;

– Oliy o‘quv yurtlarining talabalari, maktab o‘quvchilari, kollej va litsey talabalari, IIV, MV, DXX, DS, DB maxsus ta’lim muassasalari talabalariga chiptaning ta’rif qismidan – 15 foiz;

– Oilaviy poyezdga chiqsa (ikki yoki undan ortiq kishi  eri va rafiqasi, eri yoki rafiqasi va 18 yoshgacha bo‘lgan farzandlari, otasi yoki 18 yoshga to‘lmagan bolasi bo‘lgan ona) (nikoh guvohnomasi va qarindoshlikni belgilovchi hujjatlar nusxasi taqdim etilgan holda) chiptaning ta’rif qismidan – 15 foiz;

– Bir jamoadan guruh bo‘lib poyezdga chiqsa (4 kishidan ortiq - yo‘riqnoma asosida) chiptaning ta’rif qismidan – 15 foiz;

–“Afrosiyob” tezyurar elektropoyezdlarida barcha toifadagi yo‘lovchilarga chiptaning ta’rif qismidan - 10 foiz.

Eslatib o‘tamiz, avvalroq Uzbekistan Airways 28-dekabrdan 10-yanvargacha ichki qatnovlarga talabalar uchun chegirma e’lon qilgan edi.

• Bayram
• Temiryo‘l
• poyezd_qatnovi