Bugun, 5-sentyabr kuni Afg‘onistonning Qobul shahrida Rossiya konsullik bo‘limi yaqinida portlash yuz berdi. Ushbu terakt oqibatida diplomatik vakolatxonaning ikki xodimi halok bo‘lgani aytildi.

O‘zbekiston Tashqi ishlar vazirligi hodisa yuzasidan rasmiy bayonot bilan chiqib, ushbu portlashni qoraladi.

“Qobuldagi Rossiya Federatsiyasining konsullik bo‘limi yaqinida 2022-yil 5-sentabr kuni sodir etilgan hamda diplomatik vakolatxona xodimlari va Afg‘oniston fuqarolarining qurbon bo‘lishiga olib kelgan terrorchilik harakatini qat’iy qoralaymiz”,— deyiladi TIV bayonotida.

Shuningdek, Afg‘oniston tomonini ushbu g‘ayriinsoniy harakatning tashkilotchilari va ijrochilarini aniqlash uchun barcha zarur choralarni ko‘rishga chaqirilgan.

• Afg‘oniston
• Bayonot
• TIV
• portlash