O‘zbekiston va Falastin tashqi ishlar vazirliklari o‘rtasida siyosiy maslahatlashuvlar to‘g‘risida Bayonnoma imzolandi, deya xabar berdi vazirlik
matbuot xizmati.
Tashqi ishlar vaziri Baxtiyor Saidov Falastin tashqi ishlar va ekspatriantlar vaziri Riad Malki bilan uchrashuv o‘tkazdi.
Uchrashuvda ikki xalq o‘rtasidagi asrlar davomida shakllangan tarixiy rishtalar ko‘plab yo‘nalishlarda aloqalarni kengaytirish uchun mustahkam poydevor bo‘lib xizmat qilishi ta’kidlandi.
Tomonlar O‘zbekiston va Falastin bozorlarini kashf qilishda ikki mamlakat ishbilarmon doiralari vakillarini qo‘llab-quvvatlashga tayyor ekanliklarini tasdiqlashdi.
“Keng qamrovli uchrashuv yakunlari bo‘yicha O‘zbekiston va Falastin tashqi ishlar vazirliklari o‘rtasida siyosiy maslahatlashuvlar to‘g‘risida Bayonnoma imzolandi”, deyiladi xabarda.
Hujjatda ikki tomonlama munosabatlarning ustuvor yo‘nalishlari, erishiladigan aniq maqsadlar va asosiy qadamlar belgilangan.
Mazkur hujjat o‘zaro manfaatli hamkorlikni kengaytirish yo‘lida muhim o‘rin tutishiga ishonch bildirildi.
31°
Kechasi 18°
