Samarqandda o‘tgan O‘zbekiston-Germaniya oliy darajadagi muzokaralari natijasida “Migratsiya va mobillik sohasida har tomonlama sheriklik to‘g‘risida” hukumatlararo bitim ham imzolandi. Ushbu bitim 25 ta moddadan iborat.

Kelishuvga ko‘ra, tomonlar o‘rtasida quyidagi sohalarda hamkorlik o‘rnatish va rivojlantirish ko‘zda tutilgan:

– Ikki davlat hududida mehnat faoliyatini amalga oshirishni maqsad qilgan malakali mutaxassislar, shu jumladan, talabalar va kasbiy ta’lim olayotgan shaxslar hamda jurnalistlar va olimlarning adolatli mobilligini rag‘batlantirish;

– Mehnat faoliyatini amalga oshirish maqsadida vaqtincha migratsiyani rag‘batlantirish va soddalashtirish;

– Kasbiy ta’lim va malaka oshirish sababiga ko‘ra, hamda mehnat faoliyatini amalga oshirish maqsadida davlatda uzoq muddat bo‘lishni rag‘batlantirish;

– Noqonuniy migratsiya va migrantlarni noqonuniy olib kirishning oldini olish va ularga qarshi kurashish;

– Mehnat ekspluatatsiyasi, majburiy mehnat va odam savdosini oldini olish va ularga qarshi kurashish hamda jabrlanuvchilarni himoya qilish;

– Ikki davlat hududida yashash yoki kirish shartlarini bajarmagan fuqarolarni qaytarishni soddalashtirish.

• Bitim
• Germaniya