O‘zbekiston Respublikasi qishloq xo‘jaligi vazirligi vakillari Ozarbayjon Respublikasiga rasmiy tashrif bilan borishdi.

Uchrashuv doirasida investitsiyaviy hamkorlikni kengaytirish, xususan, oziq - ovqat sanoati sohasida qo‘shma loyihalarni amalga oshirish masalalariga e’tibor qaratilmoqda.

Tashrif davomida Milla Dairy kompaniyasi vakillari bilan uchrashuv bo‘lib o‘tdi, unda O‘zbekistonda sut mahsulotlari ishlab chiqarish bo‘yicha Jizzax Organic kompaniyasi bilan qo‘shma loyihani amalga oshirish istiqbollari yuzasidan fikr almashildi.

Ta’kidlanishicha, hozirgi kunda Milla Dairy O‘zbekiston bozorini tadqiq qilmoqda va loyihaning biznes modelini ishlab chiqish ustida ishlamoqda.

Shuningdek, R Group Holding venchur investitsiya kompaniyasi direktori Abdul Aliyev bilan uchrashuv tashkil etildi.

Muzokaralar davomida Milmaxtrade kompaniyasining murabbo, quritilgan mevalar va gazaklar ishlab chiqarishga ixtisoslashgan zavodini qayta tiklash bo‘yicha loyiha taqdim etildi, unda ishlab chiqarish ilgari vaqtincha to‘xtatilgan edi.

Muhokamalar yakunlari bo‘yicha tomonlar MILMAXTRADE kompaniyasi rahbari Sh.Husenov bilan onlayn uchrashuv o‘tkazish va loyiha hujjatlarini Ozarbayjon tomoniga topshirish to‘g‘risida kelishib oldilar.

• Ozarbayjon
• O‘zbekiston