O‘zbekiston va Qirg‘iziston chegarasidagi nazorat-o‘tkazish punktlari vaqtincha yopiladi.

Bu haqda Qirg‘iziston Iqtisodiyot va moliya vazirligi huzuridagi Davlat bojxona xizmati ma’lum qilib, aholini “Qizil-Qiya – avtomobil yo‘li” va “O‘zbekiston – avtomobil yo‘li” chegara o‘tish joylari yopilayotganidan ogohlantirgan.

Xabarda aytilishicha, ushbu ikki punkt 1-3-dekabr kunlari transport harakati uchun yopiladi. Bu yo‘l qoplamasini almashtirish va asfalt yotqizish uchun zarur.

Shu kunlarda avtomobil harakati va yuklarni tashish “Do‘stlik” nazorat-o‘tkazish punkti orqali amalga oshiriladi. 4-dekabrdan nazorat-o‘tkazish punktlari normal ish faoliyatini boshlaydi.  

• Bojxona
• Chegara
• Qirg‘iziston