O‘zbekiston Respublikasi Davlat bojxona qo‘mitasi axborot kanalining xabar berishicha, Uchqo‘rg‘on tumanida O‘zbekiston va Qirg‘iziston Respublikalarini bog‘lovchi chegara bojxona postining qurilish ishlari jadallashgan.

Namangan viloyati bojxona boshqarmasi boshlig‘i U.Kodirov “Uchqo‘rg‘on” chegara bojxona postida amalga oshirilayotgan qurilish ishlari bilan yaqindan tanishdi.

Ma’lum bo‘lishicha, “Uchqo‘rg‘on” chegara bojxona posti shu yilning sentyabr oyida foydalanishga topshirilishi rejalashtirilgan.

Boshqarma boshlig‘i post qurilishi bilan tanishuv jarayonida pudrat tashkiloti tomonidan ishlarni jadallashtirish, qurilish sifatiga alohida e’tibor qaratish lozimligi bo‘yicha bir qator tavsiyalar bergan.

• Namangan
• Qirg‘iziston