O‘zbekiston va Qozog‘iston Davlatlararo oliy kengash ta’sis etadi. Bu Qozog‘iston Tashqi ishlar vazirligi ishlab chiqqan ittifoqchilik munosabatlari to‘g‘risidagi shartnoma loyihasida ko‘zda tutilgan.

“Qozog‘iston-O‘zbekistonning birodarlik, ittifoqchilik va strategik sheriklik ruhidagi ko‘p qirrali hamkorligini yanada mustahkamlash maqsadida tomonlar Davlatlararo Oliy Kengashni ta’sis etishadi”, - deyilgan hujjatda.

Kengashga O‘zbekiston va Qozog‘iston prezidentlari rahbarlik qilishadi.

Davlatlararo oliy kengash erishilgan kelishuvlarning eng yuqori darajada bajarilishini nazorat qiluvchi davlatlararo organ hisoblanadi.

Kengash quyidagi vazifalarni bajaradi:

–ikki tomonlama munosabatlarning eng muhim siyosiy, iqtisodiy masalalarini ko‘rib chiqadi;

–ittifoqchilik munosabatlarini rivojlantirish va mustahkamlashning asosiy yo‘nalishlarini belgilaydi;

–asosiy mintaqaviy va global xalqaro masalalar bo‘yicha o‘zaro manfaatli pozisiyani belgilaydi.

Kengash majlislarida tomonlar hukumatlari va parlamentlari rahbarlari va a’zolari hamda taklif etilgan shaxslar ishtirok etishi mumkin.

• O‘zbekiston
• Qozog‘iston