O‘zbekiston qo‘shni Qozog‘iston davlati bilan joriy yilda bir necha ko‘rinishdagi savdo-iqtisodiy, xalqaro tashuvlar hamda diplomatik aloqalarini yaxshilashni rejalashtirgan edi.

Jumladan, mintaqaviy tashkilotlar doirasida O‘zbekistonning milliy manfaatlarini faol ilgari surish maqsadida 2022-yilning avgustiga qadar Qozog‘iston bilan chegaraoldi erkin savdo hududlarini tashkil etish bo‘yicha takliflar ishlab chiqish masalasi ko‘tarilgan.

Shuningdek, mamlakatning xorijdagi diplomatik vakolatxonlari va konsullik muassasalarining xizmat ko‘rsatish qamrovini kengaytirish maqsadida 2022-yilning aprel oyida Qozog‘istonning Chimkent shaharida O‘zbekistonning Bosh konsulxonasini ta’sis etish nazarda tutilgan.

Bundan tashqari:

– joriy yilda “Rossiya - Qozog‘iston - O‘zbekiston - Turkmaniston - Eron” yo‘nalishida tashuvlarni rivojlantirish uchun qulay shart-sharoitlar yaratish va “skvoznoy tarif” o‘rnatish bo‘yicha tomonlar bilan muzokaralar olib borish;

– “Rossiya - Qozog‘iston - O‘zbekiston -Turkmaniston - Eron” transport koridorini tashkil etish, “Shimol-Janub” yo‘nalishiga O‘zbekistonni qo‘shilishini ta’minlash bo‘yicha ishlarni jadallashtirish orqali eksport hajmlari va geografiyasini kengaytirish maqsadida ikki va ko‘p tomonlama muzokaralar olib borish;

– mamlakat eksport hajmini 2026-yilga qadar 1 mlrd AQSh dollariga yetkazish bo‘yicha “Yo‘l xaritasi”ni ishlab chiqish va buning doirasida “Neksiya” rusumli avtomobillarni Qozog‘istonda to‘liq siklda (SKD) ishlab chiqarishni yo‘lga qo‘yish. Ushbu loyiha orqali esa orqali yiliga 30 ming donagacha mashinokomplektlar eksportini amalga oshirish.

• O‘zbekiston
• Qozog‘iston