O‘zbekistonning Qozog‘istondagi Favqulodda va Muxtor elchisi Baxtiyor Ibragimov Qozog‘iston Respublikasi mehnat va aholini ijtimoiy muhofaza qilish vaziri Svetlana Jakupova bilan uchrashuv o‘tkazdi. Tomonlar mehnat migratsiyasi sohasidagi hamkorlik masalalarini muhokama qildilar. 

Jakupova Portal orqali mehnat muhojirlari tomonidan ruxsat olish jarayoni avtomatlashtirilgani, shuningdek, ish beruvchilar uchun chet elda potensial ishchilarni topish imkoniyatlari kengaytirilgani va mehnat shartnomasini tuzish nuqtayi nazaridan tomonlarning o‘zaro munosabatlari soddalashtirilgani haqida gapirdi.

Bundan tashqari, Svetlana Jakupova yuqori malakali kadrlarni jalb qilish maqsadida xorijiy mutaxassislar uchun talab yuqori bo‘lgan kasblar ro‘yxati kengaytirilganini ta’kidladi.

Vazir, shuningdek, Baxtiyor Ibrohimovga portalning imkoniyatlari va funksiyalarini namoyish etdi. O‘z navbatida, O‘zbekiston elchisi Qozog‘istonda mehnat migratsiyasi sohasida olib borilayotgan ishlarning yuqori sifati va keyingi hamkorlik zarurligini ta’kidladi.

• Migratsiya
• O‘zbekiston
• Qozog‘iston