Bugun, 15 may kuni 647/648-sonli Nukus – Beyneu – Nukus yo‘nalishidagi yo‘lovchi poyezdining qatnovni boshlanadi.

16 maydan boshlab esa Olma-ota 2 – Toshkent – Olma-ota 2 yo‘nalishida 1/2-sonli (“Tulpar-Talgo”) poyezd qatnovi yo‘lga qo‘yiladi.

Ta’kidlash joiz, Qozog‘iston davlat chegarasidagi o‘tish punktlari orqali Qozog‘istonga kelgan barcha shaxslar PZR usuli bilan COVID-19’ga test sinovidan o‘tgani haqida (qozoq, rus yoki ingliz tilida) ma’lumotnoma (chegaradan o‘tishdan oldin kamida 72 soatdan ko‘p bo‘lmagan muddatda bo‘lishi) taqdim etishi shart.

Bir qancha toifa shaxslardan ma’lumotnoma talab qilinmaydi:

– Qozog‘iston bosh davlat sanitariya vrachi qaroriga asosan Qozog‘iston hududida haqiqiy deb tan olinadigan COVID-19’ga qarshi emlanganlik pasporti/sertifikati/ma’lumotnomasiga ega shaxslar;

– Qozog‘iston Respublikasida COVID-19’ga qarshi revaksinasiya yoki to‘liq emlash kursini olgan shaxslar (agar ikkinchi komponentni olganidan so‘ng Qozog‘iston Respublikasi chegarasini kesib o‘tish vaqtida 6 oydan oshmasa);

– 5 yoshgacha bo‘lgan bolalar, agar ularni kuzatuvchi (birga bo‘lgan) shaxsda ushbu ma’lumotnoma mavjud bo‘lsa;

– Qozog‘iston Respublikasi hukumat delegasiyalari a’zolari;

– Lokomotiv brigadalari, temir yo‘l, dengiz va daryo transporti orqali tashishlarda faoliyat olib borayotgan shaxslar.

Qayd etilishicha, Qozog‘istonga Yevroosiyo iqtisodiy ittifoqiga a’zo davlatlar hududidan, shuningdek, Ozarbayjon, Moldova, Tojikiston va O‘zbekistondan kelayotgan shaxslar, shu jumladan, “Puteshestvuyu bez COVID-19” ilovasidan ro‘yxatdan o‘tishlari talab etiladi.

Shuningdek, tana harorati yuqori bo‘lgan shaxslar aniqlangan holatlarda, ma’lumotnomaning mavjudligidan qat’i nazar, yuqumli kasalliklar shifoxonalarida izolyasiya qilinadi.

• O‘zbekiston
• Poyezd
• Qozog‘iston
• poyezd_qatnovi