Qozogʻiston va Oʻzbekiston oʻrtasidagi savdo-iqtisodiy hamkorlikni kengaytirish masalalari muhokama qilindi.

Oʻzbekiston Bosh vaziri oʻrinbosari Jamshid Xoʻjayev hamda Investitsiyalar, sanoat va savdo vaziri Laziz Qudratov Qozog‘iston Savdo va integratsiya vaziri Arman Shaqqaliyev bilan muzokaralar oʻtkazdi.

Ikki mamlakat vakillari oʻzaro tovar ayirboshlash hajmini oshirish vositalarini, shuningdek, sanoat kooperatsiyasi, sarmoyaviy kooperatsiya, transport sohasida oʻzaro hamkorlik va boshqa masalalarni koʻrib chiqdilar.

Xususan, Qozogʻiston tovarlarini Oʻzbekiston hududi orqali tranzit qilish va Toshkent shahrida “QazTrade” AJ vakolatxonasini ochish masalalari muhokama qilindi.

Qozog‘iston Savdo va integratsiya vazirligining xabar berishicha, mamlakatlar tovar ayirboshlash hajmini yiliga 10 milliard dollarga yetkazish yo‘lida harakat qilmoqda. O‘tgan yilning oxirida Qozog‘iston va O‘zbekiston o‘rtasidagi tovar ayirboshlash hajmi 28,4 foizga o‘sib, 4,9 milliard dollarga yetdi, joriy yilning 7 oyida o‘zaro tovar ayirboshlash hajmi 2,5 milliard dollarni tashkil etdi.

• Hamkorlik
• Qozog‘iston