So‘nggi yillarda O‘zbekistonda xorijiy yetakchi oliy ta’lim muassasalarining 30 ta filiali faoliyati yo‘lga qo‘yilgan bo‘lib, shundan 15 tasi Rossiya oliy ta’lim muassasalari hissasiga to‘g‘ri keladi.

Bugun, 24-yanvar kuni O‘zbekiston  va Turkiyaning 20 dan ortiq nufuzli oliy ta’lim muassasalari rahbarlari, taniqli va yuqori ilmiy salohiyatga ega professorlar o‘rtasida davra suhbati bo‘lib o‘tdi.

Davra suhbatida O‘zbekiston va Turkiya oliy ta’lim tizimi o‘rtasidagi ikki tomonlama hamkorlik aloqalarining joriy holati va uni yangi bosqichga olib chiqish imkoniyatlari muhokama etildi.

Jumladan, Turkiyaning yetakchi universitetlari filiallarini tashkil etish, o‘zbekistonlik o‘quvchilarning Turkiya oliy ta’lim muassasalarida ta’lim olishi uchun grant ajratish, ta’lim tashkilotlari o‘rtasidagi hamda qishloq xo‘jaligi, tibbiyot, texnika va muhandislik sohalarida kadrlar tayyorlash, matematika, fizika, kimyo, geologiya kabi yo‘nalishlardagi hamkorlikni kuchaytirish yuzasidan fikrlar almashildi va o‘zaro memorandumlar imzolandi.

• OTM
• Ta'lim
• Turkiya