Joriy yilning 15 noyabrida O‘zbekiston Respublikasi Prezidentining Afg‘oniston bo‘yicha maxsus vakili Ismatulla Irgashev Bryussel shahrida Yevropa Ittifoqining Afg‘oniston bo‘yicha maxsus vakili Tomas Niklasson bilan uchrashdi.

Uchrashuvda tomonlar Afg‘onistondagi mavjud vaziyat, xalqaro hamjamiyatning mamlakatdagi yangi hokimiyatga nisbatan umumiy pozisiyasini ishlab chiqish, Afg‘onistonda gumanitar inqirozning oldini olish yuzasidan fikr almashdilar.

Tomas Niklasson O‘zbekistonning Yevropa Ittifoqiga a’zo davlatlar fuqarolarini Afg‘onistondan evakutasiya qilishda ko‘rsatayotgan yordamini e’tirof etarkan, kelgusida Afg‘onistonda tinchlik va barqarorlikni o‘rnatish, shuningdek, Termiz shahrida gumanitar xab tashkil etishda O‘zbekiston bilan faol hamkorlik qilinishini bildirgan.

• Afg‘oniston
• O‘zbekiston
• TIV
• Yevroittifoq