Bugun O‘zbekiston rahbarining yoshlar bilan o‘tkazilgan uchrashuvida volontyorlikka alohida e’tibor qaratildi.

So‘nggi yillarda volontyorlik faoliyatining huquqiy asosi yaratilgani, Volontyorlar maktabi, oliygohlarda markazlar tashkil qilingani hisobiga bunday yoshlar 5 karra ko‘paydi.

Vazirlik va idoralar rahbarlari, faol ko‘ngilli yoshlardan iborat Volontyorlik harakatini rivojlantirish bo‘yicha Vasiylik kengashi tashkil qilinadi.

Yoshlar agentligida “Volontyorlikni qo‘llab-quvvatlash” jamg‘armasi tashkil qilinadi.

Ushbu jamg‘armaga har yili byudjetdan 20 milliard so‘mdan mablag‘ beriladi. Bunga qo‘shimcha viloyat hokimlari ham mahalliy byudjetdan 3 milliard so‘mdan ajratadi.

Bu mablag‘lar hisobidan yoshlarning volontyorlik loyihalariga 100 million so‘mgacha grant beriladi.

Ko‘ngilli yoshlarga “ijtimoiy faollik kartasi” ochib, ekologiya, ijtimoiy himoya, tibbiyot, ta’lim, jamoat xavfsizligi kabi yo‘nalishlardagi ishtirokiga qarab ball berilishi yo‘lga qo‘yiladi.

Mazkur tashabbuslar volontyorlik harakatini yangi bosqichga olib chiqishga qaratilgan kompleks yondashuv ekanini ko‘rsatadi. Davlat tomonidan huquqiy asoslar mustahkamlanib, maxsus tuzilmalar va qo‘llab-quvvatlash mexanizmlari joriy etilishi ko‘ngilli yoshlarning faolligini yanada oshirishga xizmat qiladi.

• Prezident
• Yoshlar
• muloqot
• volontorlik