Bugun, 27-sentabr kuni mohir tarjimon, O‘zbekiston xalq shoiri Jamol Kamol 84 yoshida vafot etdi.

Qayd etish mumkin, Jamol Kamol 1938-yil 26-aprel kuni Buxoro viloyatining Shofirkon tumanida tug‘ilgan.

Jamol Kamolning ilk she’riy to‘plami – “Olam kirar yuragimga” 1968 yilda nashr etilgan. Bundan tashqari “Cho‘qqilarga yog‘ildi yog‘du” (1970), “Tosh tug‘yoni” (1972), “Hasan va oy” (1974), “Quyosh chashmasi” (1975), “Qadah” (1978), “Dostonlar” (1980), “Suvaydo” (1982), “Umidli dunyo” (1988) kabi she’riy to‘plamlariga kirgan she’rlarida mumtoz she’riy an’analar bilan zamonaviy she’riy jarayon o‘zaro uyg‘unlashtirilgan.

Ijodkor fransuz mumtoz adabiyotining namoyandasi Bualoning “She’riy san’at”, Jaloliddin Rumiyning olti kitobdan iborat “Masnaviyi ma’naviy” va Fariduddin Attor asarlari, Abdurahmon Jomiyning g‘azallar kitobi, Shayx Mahmud Shabustariyning “Gulshani roz”, buyuk ingliz dramaturgi Uilyam Shekspirning o‘ndan ortiq asarlarini bevosita ingliz tilidan, Aleksandr Pushkining “Mosart va Salyeri”, Yan Raynisning “Oltin tulpor”, Bartold Brextning “Sichuandan chiqqan mehribon asarlarini yuksak mahorat yuilan tarjima qilgan.

Jamol Kamol she’rlari rus, ingliz, fransuz, polyak, ukrain, turk, ozarbayjon, tojik va boshqa ko‘plab tillarga tarjima qilingan.

• Taʼziya