Mahallalarda yoshlar bilan ishlash masalalarini muvofiqlashtirish bo‘yicha Respublika komissiyasi raisi boshchiligidagi delegatsiyaning Xitoy Xalq Respublikasiga tashrifi davom etmoqda. Bu haqda UzA xabar berdi.

Yoshlar ishlari agentligi axborot xizmati ma’lumotiga ko‘ra, tashrif davomida delegatsiya a’zolari Lanchjou investitsiya va savdo forumida ishtirok etgan. Unda O‘zbekistondagi mahalla tizimi, “yettilik” faoliyati taqdimot orqali namoyish etilgan.

Forum davomida yurtimiz delegatsiyasi Butunxitoy sanoat va savdo federatsiyasi Tadbirkor ayollar savdo palatasi ijrochi prezidenti Chjao Sinszu boshchiligidagi xitoylik tadbirkorlar bilan ham uchrashgan.

“Chjao Sinszu Xitoy tomoni O‘zbekistondagi biznes muhitiga doimo ishonch bilan qarashini, hamkorlikda yangi loyihalarni boshlashga tayyorligini bildirgan. Lanchjou investitsiya va savdo xalqaro ko‘rgazmasida O‘zbekiston o‘z paviloni bilan ishtirok etdi”, deyiladi xabarda.

Ma’lumot uchun: mamlakatimiz delegatsiyasining XXRga safari davom etadi. Safar davomida yana bir qator soha va yo‘nalishlarda uchrashuvlar o‘tkazilishi rejalashtirilgan.

• Hamkorlik
• Xitoy