Shu kunlarda qadoqlangan quruq mevaning birinchi partiyasi Toshkentdan Xitoyga jo‘natildi. Bu haqda xabardor.uz'ga O‘zbekistonning Xitoydagi elchixonasi ma’lum qildi.

Xitoy bozor talabini qondirish uchun katta hajmdagi qadoqlangan quruq meva import qilmoqda. O‘zbekiston ushbu mahsulot turlaridan quyidagilarni yetkazib berishni bo‘yniga olgan: yer yong‘oq, yong‘oq, o‘rik danagi, turshak, olxo‘ri qoqisi va mayiz. 

Xitoyga yetkazib berilayotgan mayizning 40 foizi O‘zbekistonga tegishli bo‘lib, bu borada qolganlardan kattaroq hajmga ega.

Xitoy bozorlaridagi qadoqlangan mahsulotga boshqacha qarash mavjud bo‘lib, iste’molchi tarozida tortib beriladigan mahsulotlarga qaraganda qadoqlangan tayyor mahsulotlarni afzal ko‘rmoqda.

Mahsulotni istemolchi qo‘liga tezroq yetkazish ma’nosida birinchi sinov partiyasi Uzbekistan Airways kompaniyasi orqali jo‘natildi.

• Eksport
• O‘zbekiston
• Xitoy