O‘zbekiston yana bir mamlakat bilan Jahon savdo tashkilotiga a’zo bo‘lish bo‘yicha ikki tomonlama muzokaralarni yakunladi. Bu haqda O‘zbekiston Prezidentining JST masalalari bo‘yicha maxsus vakili Azizbek Urunov o‘zining LinkedIn sahifasida ma’lum qildi.

Azizbek Urunov qaysi mamlakat bilan muzokaralar bo‘lganini aytmadi, ammo “biz maqsadimizga erishdik”, - deydi ijtimoiy tarmoqdagi sahifasida.

O‘zbekistonning JSTga a’zo bo‘lish bo‘yicha bosh muzokarachisi, ayni paytda 23 mamlakat bilan muzokaralar yakunlangani va muzokaralar jarayoni bir qator boshqa hamkorlar bilan davom etayotganini ma’lum qildi.

Kelishuvga erishganlar orasida AQSh, Xitoy, Filippin, Braziliya, Shri-Lanka, Fransiya, Italiya va Isroil bor.

• O‘zbekiston