Davlat statistika qo‘mitasi ma’lumotlariga ko‘ra, O‘zbekiston 2021-yilning 10 oyida 12 ta xorijiy davlatlarga qiymati 3,8 mln. AQSh dollariga teng bo‘lgan 3,7 ming tonna limon eksport qilgan.

Bu ko‘rsatkich, o‘tgan yilning mos davri bilan solishtirilganda 2,4 ming tonnaga kam. O‘zbekiston eng ko‘p Rossiya (2,2 ming tn), Qozog‘iston (1,2 ming tn), Qirg‘iziston (380 tn), Ukraina (2,4 tn) va Afg‘oniston (2,2 tn) davlatlariga limon eksport qilgan. 

Qo‘mita ma’lumotlariga ko‘ra, noyabr oyida limon narxlari oktyabr oyiga nisbatan o‘rtacha 4,4 foizga arzonlashgan. Yil boshiga nisbatan esa o‘rtacha 26 foizga oshgani kuzatilgan.  

• Eksport
• Limon
• statistika