SSV Matbuot xizmati bergan ma’lumotga ko‘ra, o‘tgan yilda to‘liq vaksina kursini olganlar 18 yoshdan katta jami o‘zbekistonliklarning 63 foizini, ya’ni 13,5 million nafarni tashkil qildi.

To‘liq emlanganlarning:

– 852 574 nafari 65 yoshdan oshganlar,

– 427 833 nafari tibbiyot xodimlari,

– 431 274 nafari maktab o‘qituvchilari,

– 167 064 nafari maktabgacha ta’lim muassasalari xodimlari,

– 828 103 nafari surunkali kasalligi bor fuqarolardir. To‘liq emlanganlarning qolgan qismi boshqa aholi vakillari hissasiga to‘g‘ri keladi.

Koronavirusga qarshi to‘liq emlangan aholining eng katta qismi Samarqand viloyatida bo‘lib, viloyatda 1 765 228  nafar fuqaro to‘liq emlangan.  Koronavirusga qarshi to‘liq vaksina olganlar viloyatda emlanishi ko‘zda tutilgan 18 yoshdan katta aholining 74 foizdan ortig‘ini tashkil qiladi.

Ma’lumot uchun, 2021-yil davomida 29,6 million dozadan ortiq ZF-UZ-VAC2001 vaksinasidan foydalanilgan.

Shuningdek, 1,9 million dozadan ortiq AstraZeneca vaksinasi emlash jarayonida qo‘llanilgan.

Pfizer/BioNTech vaksinasidan esa 2 million dozadan ortiqrog‘i foydalanilgan.

• Vaksina
• koronavirus