31°
Kechasi 18°
O‘zbekistonda koronavirus infeksiyasining yangi shtammi keng tarqalishining oldini olish maqsadida xalqaro va respublika darajasidagi ekspertlar tavsiyalari hamda aholi murojaatlarini inobatga olib, COVID-19’ga qarshi 5 yoshdan 11 yoshgacha bo‘lgan bolalarni “Pfizer” vaksinasi bilan (ota-onalar yoki vasiylarning roziligi bilan) ixtiyoriylik asosida emlashga ruxsat berildi.
Bu haqida AOKAda o‘tkazilgan brifingda Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Nurmat Atabekov ma’lum qildi.
“Hozirgi vaqtda 12 yoshdan katta aholidan salkam 800 ming kishi koronavirusga qarshi emlangan.
Endilikda O‘zbekiston sharoitida 5-11 yoshdagi aholi qatlamini emlash bo‘yicha ko‘rsatma tayyorlandi.
Unga muvofiq 5-11 yoshdagi aholi Pfizer vaksinasining 0,1 ml dozasi bilan emlanadi. Endi 6 dozali vaksinani samarali ishlatish uchun emlash punktlariga 18-20 bolalarni yig‘ib olib kelish kerak bo‘ladi”, – deydi Nurmat Atabekov.
Ta’kidlanishicha, emlangan bolalar haqidagi ma’lumotlar emlash.uz dasturiga kiritib boriladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
