Litsenziyalarning to‘xtatilishiga BHMning 8500 baravari miqdoridagi zaxira mablag‘lari to‘ldirilmagani sabab bo‘lgan.

O‘zbekiston Bandlik va mehnat munosabatlari vazirligi tomonidan 6 ta xususiy bandlik agentligining lisenziyasi vaqtincha to‘xtatildi. Bu haqida vazirlik matbuot xizmati xabar berdi.
Ma’lum qilinishicha, Bandlik va mehnat munosabatlari vazirligining 2021-yil 7-dekabrdagi tegishli qarorlari bilan Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasida BHMning 8500 baravari miqdoridagi mablag‘larni zaxira sifatida to‘ldirmagani sababli bir qancha xususiy bandlik agentliklarining litsenziyalari vaqtincha to‘xtatilgan.
Qayd etilishicha, quyidagi xususiy bandlik agentliklarining litsenziyalari 10 kun muddatga vaqtincha to‘xtatilgan:
“Mirai recruitment agency xususiy bandlik agentligi” MCHJ;
“Reiwa xususiy bandlik agentligi” MCHJ;
“Turon world cooperation xususiy bandlik agentligi” MCHJ;
“Priority international xususiy bandlik agentligi” MCHJ;
“Specialist group xususiy bandlik agentligi” MCHJ;
“Jyonan-staff Business xususiy bandlik agentligi” MCHJ.

• Bandlik
• Mehnat_vazirligi