O‘zbekistonda koronavirusga qarshi buster doza bilan ixtiyoriy emlash amalga oshiriladi. Bu borada O‘zbekiston Respublikasi bosh davlat sanitariya vrachining ko‘rsatma xati chiqarilgan.

Unga ko‘ra, Respublika aholisi o‘rtasida koronavirus infeksiyasiga qarshi immunitetni oshirish maqsadida 2021-yil 17-noyabr kunidan boshlab to‘liq vaksina kursini olgan fuqarolar (2 yoki 3 marotaba emlanganlar) buster doza bilan ixtiyoriy emlanadi.

Eslatib o‘tamiz, O‘zbekistonda koronavirusga qarshi kurashish maqsadida joriy yilning 1-aprelidan boshlab emlash tadbirlari amalga oshirib kelinmoqda.

Ayni paytda esa 6 turdagi 42 mln 805 ming doza COVID-19’ga qarshi vaksina keltirilugan va yil oxiriga qadar 5,6 mln doza vaksina keltirilishi kutilmoqda. 

Izoh: buster doza – tibbiyotda kuchaytiruvchi doza, ya’ni oldingi dozadan keyin vaksinaning qo‘shimcha kiritilishi.

• Vaksina
• koronavirus