O‘zbekistonda elektrotexnika mahsulotlari eksporti yarim milliard dollardan oshgan. Bu haqida «O‘zeltexsanoat» matbuot xizmati xabar berdi.
Qayd etilishicha, 11 oy yakunlariga ko‘ra, tarmoq korxonalari eksporti yarim milliard dollar (508 million AQSh dollar)dan oshgan. Bu ko‘rsatkich 2020 yilning tegishli davriga nisbatan 1,8 barobarga ko‘p degani. 
Elektrotexnika mahsulotlarining Tojikistonga eksporti 1,8 barobarga, Qozog‘istonga eksporti 2 baravarga, Rossiyaga eksporti 2,2 baravarga va Gruziyaga eksporti 2 baravarga oshgan. 
Shuningdek, O‘zbekistonda ishlab chiqarilgan elektrotexnika mahsulotlari eksport qilingan davlatlar qatoriga Yaman, Tanzaniya, Ruminiya, Albaniya va Moldova ham qo‘shilgan.

• Eksport
• texnologiya