O‘zbekistonda 2022-yil fuqarolarni yashash joyi bo‘yicha hisobga olish tizimini yanada soddalashtirish maqsadida byudjetdan tashqari mablag‘lar hisobidan 3 milliard so‘m ajratiladi.Bu haqida O‘zbekistonning 2022-2026 yillarga mo‘ljallangan taraqqiyot strategiyasi loyihasida so‘z boradi.

Qayd etilishicha, fuqarolarni yashash joyi bo‘yicha hisobga olish tizimini yanada soddalashtirish va aholiga qo‘shimcha qulayliklar yaratish, ushbu yo‘nalishda boshlangan islohotlarni yakuniga yetkazish rejalashtirilgan.

Bunda, Toshkent shahri va Toshkent viloyatida fuqarolarni doimiy yashash joyi bo‘yicha hisobga olishning amaldagi tartibi yanada soddalashtiriladi. Fuqarolarni yashash joyi bo‘yicha hisobga olishning yagona elektron tizimini joriy etiladi.

Shuningdek, fuqarolarning shaxsiy biometrik ma’lumotlarini olish, saqlash va ulardan foydalangan holda shaxsini tasdiqlash amaliyoti yo‘lga qo‘yiladi.

• Loyiha