Bugun va ertaga O‘zbekiston hududi bo‘yicha havo biroz bulutli, ba’zi joylarda o‘zgaruvchan bo‘ladi, yog‘ingarchilik kutilmaydi, faqat Toshkent viloyati va Farg‘ona vodiysi viloyatlarida, shuningdek, bugun kunduzi Xorazm, Navoiy viloyatlarida ayrim joylarda qisqa muddatli yomg‘ir yog‘ishi, momaqaldiroq bo‘lishi mumkin.

Havo harorati 32-35 daraja atrofida, janubda va cho‘l hududlarda esa 36-39 darajagacha bo‘ladi.

So‘ngra ish haftasining oxirigacha O‘zbekiston hududi bo‘yicha yog‘ingarchiliksiz ob-havo bo‘lishi kutilmoqda. Faqat respublikaning ayrim tog‘oldi hududlarida qisqa muddatli yomg‘ir yog‘ishi mumkinligi xabar qilingan.

Havo harorati faqat 2-3 darajaga ko‘tariladi va 34-37 daraja atrofida, janubda va cho‘l hududlarda 38-40 darajagacha bo‘ladi.

Shamol 7-12 m/s tezlikda esadi, ba’zi joylarda 13-18 m/s.gacha kuchayadi, 15-16-iyulda ayrim joylarda ba’zida 18-23 m/s.gacha kuchayishi, chang-to‘zonlar kuzatilishi mumkin.

Poytaxtimizda bugun va ertaga asosan yog‘ingarchiliksiz ob-havo bo‘lishi kutilmoqda, faqat 15-iyuldan 16-iyulga o‘tar kechasi va 16-iyulda ertalab shahar bo‘yicha ba’zi joylarda biroz qisqa muddatli yomg‘ir yog‘ishi, momaqaldiroq bo‘lishi mumkin.

17-19-iyulda yog‘ingarchilik kutilmaydi. Shamol 3-8 m/s tezlikda esadi, 15-16-iyulda 10-13 m/s,gacha kuchayishi mumkin.

Harorat bugun va ertaga 32-35 darajani, 17-19-iyulda esa 35-37 darajani tashkil etadi.

• Ob-havo
• Yoz fasli