“O‘zgidromet” hafta davomida kuzatiladigan ob-havo ma’lumotini e’lon qildi.

Unga ko‘ra, Kaspiy dengizining janubiy hududlaridan nam havo massalari kirib kelishi hisobiga yomg‘ir yog‘adi. Shimoliy hududlarda qor yog‘ishi mumkin.

“Tog‘li hududlarda yog‘ingarchilik, asosan, qor ko‘rinishida bo‘ladi, joriy yil 3-4 yanvarda ba’zi joylarda kuchli bo‘lishi mumkin. Ehtiyotkor bo‘ling”, — deyiladi xabarda.

Havo harorati kechalari 0-5 daraja iliq, kunduz kunlari 7-12 daraja iliq atrofida va me’yorga yaqin bo‘ladi. Shuningdek, 3-4 yanvar kunlari ba’zi joylarda shamol tezligi 18-23 metr/sekundgacha kuchayishi mumkin. Respublikaning ayrim hududlariga tuman tuman tushishi mumkin.

• Ob-havo
• O‘zgidromet