Ish haftasining oxirigacha beqaror ob-havo saqlanib turadi, deb xabar bermoqda “O‘zgidromet”.

Ma’lum bo‘lishicha, respublika hududi bo‘yicha ba’zi joylarda yomg‘ir yog‘ishi saqlanib turadi, faqat 26-28-mart kunlari Qoraqalpog‘iston Respublikasi, Xorazm, Buxoro, Navoiy viloyatlarida yomg‘ir yog‘ishi ehtimoli kam.

Bu kunlarda harorat asta-sekin pasayadi va kechalari 4-6 daraja iliqni, kunduz kunlari 8-13 daraja iliqni tashkil etadi.

Tog‘oldi va tog‘li hududlarda yog‘ingarchilik (yomg‘ir yog‘adi, qorga aylanishi mumkin), 24—25-mart kunlari ba’zi joylarda kuchli bo‘ladi.

Respublikaning tog‘oldi va tog‘li hududlarida sel-suv toshqin hodisalari yuzaga kelishi mumkin. 24—25-mart kunlari tog‘li hududlarda qor ko‘chishi xavfi bor.

Toshkentda 24-mart kuni yomg‘ir yog‘adi. Harorat 15-17 daraja iliq bo‘ladi. 25-martda yomg‘ir yog‘adi. Shamol 5-10 m/s tezlikda esadi. Harorat kechasi 6-8 daraja iliq, kunduzi 12-14 daraja iliq bo‘ladi. 26—27-mart kunlari vaqti-vaqti bilan yomg‘ir yog‘adi. Harorat kechalari 4-6 daraja iliq bo‘ladi, kunduz kunlari 8-10 daraja iliqqacha pasayadi.

O‘zbekistonga salqin havo kirib dam olish kunlari kirib kelgan edi. 24—27-mart kunlari kutilayotgan yomg‘irli ob-havo tufayli respublikaning 9 ta viloyati tog‘oldi va tog‘li hududlarida sel xavfi e’lon qilingan.

• Ob-havo
• O‘zbekiston
• Sel
• yomg‘ir