O‘zbekistonda yangi limonzorlar barpo etish va ko‘chatlar xarid qilish bilan bog‘liq xarajatlar har bir sotix uchun 300 ming so‘mdan oshmaydigan miqdorda subsidiya sifatida qoplab beriladi. Bu haqida Norma xabar berdi.

Limon yetishtiriladigan issiqxonalarni barpo etishda muqobil energiya (tabiiy gazga nisbatan) qurilmalari qiymatining bir qismini qoplash tartibi to‘g‘risidagi nizom tasdiqlandi. U subsidiya ajratish tartibini nazarda tutadi, ariza berishda zarur hujjatlar ro‘yxatini, shuningdek 5 yil mobaynida mablag‘lardan foydanish yuzasidan monitoring olib borish tartibini belgilashi qayd etilgan.

Ma’lum bo‘lishicha, muqobil energiya orqali ishlaydigan isitish qurilmalari qiymatining 30 foizgacha bo‘lgan qismi Qishloq xo‘jaligi vazirligi huzuridagi Bog‘dorchilik va issiqxona xo‘jaligini rivojlantirish agentligining Bog‘dorchilik va issiqxona xo‘jaligini rivojlantirish jamg‘armasi mablag‘lari hisobidan qoplab beriladi.

Shunindek, agentlik va talabgor o‘rtasida subsidiya ajratish haqidagi shartnoma tuziladi, u talabgorning arizasida ko‘rsatilgan asosiy bank hisobvarag‘iga bir oy muddatda o‘tkazib beriladi.

Ta’kidlash joizki, “Yangi limonzorlarni barpo etish va ko‘chatlarni xarid qilish bilan bog‘liq xarajatlarning bir qismini qoplash tartibi to‘g‘risida”gi nizom tasdiqlandi. Hujjat bilan subsidiya ajratish tartibi o‘rnatilgan, ariza berishda zarur hujjatlar ro‘yxati belgilangan.

Nizomga asosan, yangi limonzorlar barpo etish va ko‘chatlar xarid qilish bilan bog‘liq xarajatlar har bir sotix uchun 300 ming so‘mdan oshmaydigan miqdorda subsidiya sifatida qoplab beriladi.
Xususan, subsidiya limonzorlarni barpo etish ishlari yakunlanib, tuman ishchi komissiyasining ularni foydalanishga qabul qilish yuzasidan dalolatnomalari Agentlikka taqdim etilgandan so‘ng bir oy muddatda ajratiladi.

Hujjat qonun hujjatlari ma’lumotlari milliy bazasida e’lon qilingan va 18-yanvardan kuchga kirdi.

• Limon
• subsidiya