O‘zbekistonda mahkumlar uchun elektron braslet ishlab chiqarish choralari ko‘rilmoqda. Bu haqda AOKAda o‘tkazilgan brifingda Kriminologiya tadqiqot instituti boshlig‘i polkovnik, yuridik fanlari doktori Baxtiyor Berdialiyev ma’lum qilgan.

Qayd etilishicha, ushbu elektron kuzatuv vositasi (elektron braslet) — ozodlikni cheklash tarzidagi jazoga hukm qilingan shaxsni masofadan turib nazorat qilishga mo‘ljallangan, qo‘lga yoki oyoqqa taqiladigan elektron qurilma hisoblanadi.

Berdialiyevning aytishicha, Kriminologiya institutida bajarilgan ilmiy-tadqiqot loyihasi natijasida uy qamog‘i ehtiyot chorasi va ozodlikni cheklash jazosi tayinlangan shaxslarni masofaviy nazorat qilishga mo‘ljallangan metodika, elektron braslet qurilmasi va dasturiy ta’minot ishlab chiqilib, intellektual mulk obyekti hujjatini (patent) olish, elektron brasletni ishlab chiqarish va tijoratlashtirish bo‘yicha kompleks choralar amalga oshirilmoqda.

• Mahkum