Maktabgacha va maktab ta’limi vaziri mahalliy hokimliklar bilan III chorakni boshlash masalasini muhokama qildi. Bu haqda vazirlik matbuot xizmati xabar berdi.

Qayd etilishicha, Qoraqalpog‘iston Respublikasi Vazirlar Kengashi, viloyatlar va Toshkent shahar hokimlarining ijtimoiy masalalar bo‘yicha o‘rinbosarlari bilan Zoom videokonferensaloqa orqali bo‘lib o‘tgan yig‘ilish kun tartibiga hududlarda maktablarning III chorakni boshlashga tayyorgarligi masalasi qo‘yilgan.

Jumladan, vazir mahalliy hokimliklarga joylardagi umumta’lim muassasalarining tayyorgarlik holatini yana bir bor qayta tahlil qilish zarurligini ta’kidlagan.

"Ayni damda Maktabgacha va maktab ta’limi vazirligi o‘quvchilarni ob-havo sharoitlari barqarorlashguniga qadar vaqtincha onlayn ta’lim tizimiga o‘tkazish masalasini ko‘rib chiqmoqda", deyiladi xabarda.

• Maktabgacha va maktab ta'limi vazirligi