Iqtisodiyot va moliya vazirligi O‘zbekistonda ish haqi, pensiya va nafaqalar 2025-yil 1-martdan va 1-avgustdan 10 foizga oshirilishi to‘g‘risida tarqalgan xabarlar haqiqatga to‘g‘ri kelmasligini ma’lum qildi.

“Ish haqi va pensiyalar bo‘yicha har qanday rasmiy ma’lumotlar tegishli davlat organlarining rasmiy manbalari orqali e’lon qilinadi”, – deyiladi vazirlik xabarida.

Vazirligi ishonchli manbalarga tayanishni va tekshirilmagan xabarlarni tarqatmaslikni so‘ragan.

Ma’lumot uchun, so‘nggi bor O‘zbekistonda 2024-yil sentyabrda pensiyalar va nafaqalar 15 foizga oshirilgan edi. Jumladan, pensiyani hisoblashning bazaviy miqdori oyiga 428 ming so‘m, yoshga doir eng kam pensiya miqdori oyiga 834 ming so‘m etib belgilangan. Bunda mehnatga haq to‘lashning eng kam miqdori – oyiga 1 155 000 so‘m, bazaviy hisoblash miqdori — 375 000 so‘m etib belgilangan edi.

• Iqtisodiyot
• Maosh
• rasmiy munosabat
• xabar