O‘zbekistonda milliy ijtimoiy tarmoq va messenjerlar yaratiladi. Bu haqida 2022-2026 yillarga mo‘ljallangan taraqqiyot strategiyasini 2022-yilda amalga oshirish bo‘yicha “yo‘l xaritasi” loyihasida so‘z boradi.

Qayd etilishicha, fuqarolarning shaxsiy ma’lumotlarini himoyalash maqsadida zamonaviy kommunikatsion dasturlar hamda milliy ijtimoiy tarmoq va messenjerlar yaratish rejalashtirilgan.

Bunda, sohaning yetuk mutaxassislari va yirik tadbirkorlar milliy kommunikatsiya platformalarini yaratishga jalb qilinadi. Ular ma’lumotlarni uzatish va qayta ishlashning zamonaviy talablariga mos dasturiy ta’minot va texnik vositalar bilan ta’minlanishi qayd etilgan.

Shuningdek, AKT sohasida milliy mahsulot yaratish tizimini rag‘batlantirish va qo‘llab-quvvatlashning samarali mexanizmlari ishlab chiqiladi. Bunda, yaratilgan dastur hamda milliy ijtimoiy tarmoq va messenjerlarni auditoriyasining qamrovi ortishiga qarab soliq imtiyozlar berish tizimi yo‘lga qo‘yiladi.

• Kommunikatsiya
• Loyiha
• O‘zbekiston