Jahon bankining moliya sektoridagi islohotlarni qo‘llab-quvvatlashga qaratilgan missiyasi O‘zbekistonda ish boshladi. Missiyaning yo‘nalishlaridan biri moliyaviy xizmatlar iste’molchilarining huquqlarini himoya qilishning mustaqil mexanizmi bo‘lgan moliyaviy Ombudsman institutini tashkil etishni muhokama qilish bo‘ldi.

Texnik yordam dasturi doirasida Jahon banki ekspertlari o‘zbekistonlik mutaxassislar bilan birgalikda ushbu tuzilmani joriy etish bo‘yicha bosqichma-bosqich reja ishlab chiqmoqdalar.

Shuningdek, 2025-2026-yillarga mo‘ljallangan Qonunchilik islohotlari va moliyaviy xizmatlar mijozlari uchun ijobiy natijalarga yo‘naltirilgan yangi tartibga solish modelini joriy etish muhokama qilinmoqda.

Bundan tashqari, mutaxassislar moliyaviy xizmatlar iste’molchilarini himoya qilish konsepsiyasi va moliya bozorini monitoring qilish bo‘yicha qo‘llanmani taqdim qilishdi. Ular xalqaro amaliyotga, shu jumladan Buyuk Britaniya va Kanada tajribalariga asoslangan bo‘lib, O‘zbekistonda yanada adolatli va shaffof moliyaviy tizimni shakllantirish uchun asos bo‘lishi kerak.

• Moliya
• Ombudsman
• O‘zbekiston