Prezident Shavkat Mirziyoyevning “elektrotexnika sanoatini rivojlanishning yangi bosqichiga olib chiqish bo‘yicha qo‘shimcha chora-tadbirlar to‘g‘risida” gi qarori qabul qilindi.

Qarorga muvofiq, yuqori texnologiyali ishlab chiqarishni joriy etgan elektrotexnika sanoati korxonalariga yuqori texnologiyali ishlab chiqarish obyekti foydalanishga topshirilgan kundan boshlab 3 yil muddatga daromad solig‘ining nol stavkasini qo‘llash, mulk solig‘idan ozod qilish kabi soliq imtiyozlari beriladi.

Elektrotexnika sohasidagi investitsiya loyihalarini amalga oshirish uchun davlat korxonalari va davlat ishtirokidagi korxonalarning ko‘chmas mulk obyektlarini 10 yilgacha bo‘lib-bo‘lib to‘lash uchun ruxsat beriladi.

Muhandislik maktablari Jizzax viloyati 1-politexnika texnikumi va Toshkent viloyati Ohangaron shahar politexnika texnikumi qoshida tashkil etiladi, deya xabar beradi Adliya vazirligi.

• O‘zbekiston
• Qaror
• Shavkat Mirziyoyev